एस के आर्टस् प्रॉडक्शन ही एक चित्रपट निर्मिती संस्था असून, याची स्थापना १ जानेवारी २००३ रोजी पुणे, महाराष्ट्र येथे झाली. एस के आर्टस् हे सुरुवातीच्या काळात ‘शिवक्रांती कला प्रतिष्ठान’ नावाने प्रसिद्ध होते, कालांतराने ही संस्था एस के आर्टस् प्रॉडक्शन म्हणून नावारूपाला आली. आज ही संस्था “अखिल भारतीय मराठी चित्रपट महामंडळ” च्या नियमानूसार चित्रपट क्षेत्रात कार्यरत आहे. एस के आर्टस् च्या माध्यमातून संपूर्ण चित्रपटाची निर्मिती केली जाते. त्यामध्ये कथा-पटकथा-संवाद-लेखन, संगीत, गीतलेखन, चित्रीकरण व्यवस्था, दिग्दर्शन, छायाचित्रण, संकलन, सेन्सॉर, प्रदर्शन आदी सर्व कामे केली जातात. त्याचप्रमाणे नृत्य, नाटक, लघुचित्रपट, जाहिरातपट, व माहितीपट निर्मिती सुद्धा केली जाते. एस के आर्टस् प्रस्तुत अनेक लघुचित्रपटांची निर्मिती केली. त्यातील ” एकलव्य”, ” हुंडा”, “कचरा”, “जाई”, “कंडाळो”, हे प्रसिद्ध लघुचित्रपट आहेत. काही चित्रपटांना विविध पुरस्कारांनी सन्मानित करण्यात आले आहे.

“राजे…एक क्रांती” व “सन १९८१” या व्यावसायिक चित्रपटांची निर्मिती एस के आर्टस् ने केली आहे. या चित्रपटातून राजदत्त, नागेश भोसले, मोहन जोशी, सुनील गोडबोले, शिवशाहीर बाबासाहेब पुरन्दरे, जयमाला इनामदार व गायक आदर्श शिंदे या दिग्गज कलाकारांसोबत कामे केली आहेत. या दोन्ही चित्रपटांना “NIFF” कडून अनुक्रमे ” Best Debut Director Award” व ” Best Gramin Film Award” हे पुरस्कार मिळालेले आहेत. एस के आर्टस् च्या निर्मिती सोबतच इतर निर्माते व प्रायोजक यांचे ही प्रोजेक्ट्स विश्वास पूर्वक केली जातात.

आपणास अभिमानाने सांगू इच्छितो कि, एप्रिल २०१९ पासून ‘एस के आर्टस’ने आपल्या स्वतःच्या ‘सन १९८१’ ह्या चित्रपटाद्वारे वितरण क्षेत्रात यशस्वीपणे पहिले पाऊल टाकले. २०२० मध्ये ही यशस्वी परंपरा पुढे सुरु ठेवत ‘काय बाय’ ह्या चित्रपटाचे वितरण देखील केले. पारदर्शक आणि विश्वासार्ह कार्यप्रणाली हे ‘एस के आर्टस’च्या सेवेचे ठळक मुद्दे आहेत ही गोष्ट सर्वमान्य आहे.